Hurrengo olerkia Joseba Sarrionandiak egindako kartzelaren inguruko olerki sortatik aterata dago "gartzelako poemak". Sarrionandia kartzelan egon ostean bere bizipenak islatzen ditu; erresistentzia olerki honetan beste olerki guztietan bezala.



Arroz salda, tabako, desinfektante,

zerrailen gurin usaina.



Harresiak, harresiak, harresiak, ortze urdin

hori ere ez da beste harresi bat baizik.



Nork hausten ditu kristal botilak, harresien

gainean kristalezko haginak ereiteko?



Akaso ia ez gara albistea, aspaldian amataturiko

sutearen hondarra baizik.



Aberria zer hurrin eta zer ezdeus;

izarrak akiturik gure leihoetan.



Barruan dugun mundua ez da kabitzen

barruan gaituen gelan.



Harrigarria da hemen kurloien begira

gerla sufritzen dugula



eta, patioaren alde batetik bestera paseatuaz,

gerla ematen dugula.


JOSEBA SARRIONANDIA