Gaur egun kokatzen garen gizartean informazioa dugu arlo garrantzitsua, izan ere informazio edo jakintzaren gizartea dela esan ohi dute. Azkeneko berrikuntzaren artean web2.0 kokatzen da, web1.0rekin konparatuz iraultza teknologiko baten aurrean gaude, edo beste era batera esanda “gizarteko iraultza”.

Aurrera pausu hauen aurrean goraipatzekoa da pertsonen papera, jasotzaile soilak izatetik pertsonak subjektu aktiboak bihurtu dira; sortzaileak, iritziak plazaratzeko aukera dute. Ideien sortzaile, bakoitzak nahi duenaren inguruan askatasunez hitz egin dezake.
Baina alde positiboak aparte web2.0 baditu bere alde negatiboak ere. Izan ere, internetek baditu beste helburu batzuk kontutan, gaur egungo gizartea kontrolatzeko beste erreminta bat da. Edozer gauza sarean uzteko datu ugari utzi behar dira, datu horiek datu pertsonalez osaturik daude eta ez gara konturatu egiten jartzen dugun guztia erabilgarriak izan daitezkeela eta arazoak ekar ditzaketela. Zerbitzu honen jabe diren enpresen, elkarte,…menpe gaude, egungo sistema kapitalistaren barne. Eta aurretik esan bezala erabiltzaile guztion informazio pertsonal askoren ( edo hobeto esanda larregiren) jabe dira; erabiltzaile askoren bitartez, modan jartzen direnak( messenger-a, fotolog,…). Eta bertan argitaratzen diren testu, argazki, irudi,… guztiak eskura dituzte.

Azkenik, aipatu beharra dago teknologia berri hauek gizarteko pertsonen arteko harremanetan sortzen ari diren oztopoak. Gazteon kasuan adibide argiena izanik, elkarren arteko harremanak bakoitza bere etxetik ordenagailu baten aurrean izaten dituzte, eta horrela komunikazio eta harreman zuzenak galtzera darama. Nire galdera: aurrera pausua edo atzera pausua dugu hau pertsonen arteko harremanetan?